පසුම්බි චෝරක කතා වස්තුව

     අවුරුද්දකින් විතර යට ගිය දවස මේ ලංකාද්වීපයේ මිහිඳු නම් රජ කෙනෙකුන් රාජ්‍ය කරන කල්හී.. මහානුවර එක්තරා ග්‍රාමයක කෙළෙඹි පුත්‍රයින් දෙදෙනෙක් ඉතා සමගිව වාසය කරන්නෝය.. මෙසේ වාසය කරන කල්හී පළමු කෙළඹියාගේ කිසියම් වූ උවමනාවක් සඳහා කොළොම් පුරේට යාමට උවමනා වීය..

     හෙතෙම සිය මිතුරා අමතන්නේ..
             "එම්බල යහළුව.. මාගේ ඉතා වැදගත් වූ කටයුත්තකට කොළොම් තොට බලා යාමට සිදු වී.. නුඹත් මා සමඟ එන්නේ දැ" යි විමසී..

   

               යාන්ත්‍රික තෙමේ පසුම්බිය සොරාගත්තේ මෙතැනින් ය                  
                                                      

    එවිට මිතුරා
            "කුමකින් කොළඹ යන්නේ දැ" යි විමසූ කල්හී

     "අපගේ ජීප් රියෙන් යමු" යි කීය..
    ඉන් පසු දෙවන මිතුරා "හා යමු" යි කීය..

     මෙසේ දෙදනා කොළඹ යාමට දින වෙන්කරවාගෙන නියමිත දිනයේ දී ජීප් රියේ නැගී කොළඹ ගොස් උවමනාව ඉටු කො‍ටගෙන ආපසු එන්නේ අතරමඟ දෙවැනි මිතුරු කෙළඹියා පළමුවැන්නා අමතන්නේ..
 
     "එම්බා මිතුර.. මෙතෙක් දුර ආ ගමනේ ඉතා වෙහෙසකරය.. ඉදින් අතරමග නැවතී යමක් කා ප්ලේන්ටියක් පානය කර යමු දැ" යි විමසීය..

      එවිට පළමුවැනි කෙළඹි පුත්‍ර තෙමේ "යහපති මිතුර, මටද ඉතා වෙහෙසකරය.. තව කුසගින්නක් ද දැනේ.. යමක් කා ප්ලේන්ටියක් බී යමු" යි කීය..

      මෙසේ මිතුරන් දෙපළ අතරමග වූ පොල් අතු සෙවිලි කළ බුෆේ කඩයකට සෙට් වී බඩ කට පුරා අනුභව කොට ටී එකක් ද පානය කොට නැවත ඒමට ජීප් එකට නගින්නට සූදානම් වන තැන පළමු මිතුරු තෙමේ දෙවැන්නා නැවත අමතන්නේ..

      "මචං.. වැරදුණා.. යහළුව.. අර නුඹට පෙනේද? ජිප් රිය ආසන්නයේ පසුම්බියක් වැටී ඇත.. එහි පාටින් හා හැඩයෙන් ඉතා වටිනා බවක් හා මුදල් ද ඇති බවක් පෙනේ.. මා ජිප් රියට නැගී අතර නුඹ පසුම්බිය කිසිවෙකුට නොපෙනෙන සේ ගනූ." යැයි ඇණ වී..

    දෙවැන්නාද හොඳ මට්ටමේ හොර දෙටුවෙක් වන නිසා :) "එසේමැයි" කී ය..

     මෙසේ කතිකා කොට ගත් පරිදි දෙවැනි කෙළෙඹි තෙමේ පසුම්බිය අතට ගත් සැණින් ජැන්ඩියට හැඳ පැළඳගත් නෝනා කෙනෙක් ඔවුන් අමතන්නේ....

      "මහත්තයා.... මහත්තයා...."
                  මිතුරන් දෙපළ අතේ මාට්ටු වීම පිළිබඳ ගල් ගැසී බලා සිටින්නේ.... නැවත අර නෝනා කතා ‍කොට..

       "ඔය පර්ස් එක තියලා යන්ට........ ඕක............ අපේ පොඩි උන් සෙල්ලං කරන එක......."
    
       එතැනම පසුම්බිය බිමදැමූ මිතුරා ආපසු නොබලා ජීප් රියට නැග පයට දිරී දී ලෑල්ලට පාගා නුවරට වන්නේය...................................................................

......................යාන්ත්‍රිකයාගේ අටවන පසුම්බි චෝරක කතා වස්තුව මෙතැනින් නිමයි..................................