ඒයි.. මට ඇහෙන්න බනිනව නෙමෙයි..

                            ලංකාවේ වැදගත්ම පොට් එක.. පින්තූරය මෙතනින්.

දකින දකින හැම තැනම මොකෙක් හරි මොකකට හරි දේශපාලකයෙක්ට බනින්නේය. පහුගිය දිනෙක එවැනි කතාවක් අසා යාන්ත්‍රිකයාට මේ සිතිවිල්ල පහල විය.

යාන්ත්‍රිකයාට දේශපාලකයින්ට බනින උන් පෙන්නන්නට බැරිය.. ඒ මේ නිසාය.. මේක ලිවීමෙන් පසුව යාන්ත්‍රිකයාට වැටෙන කොමෙන්ටුවත් නොවැටී යාමේ අවදානමක් ද ඇත්තේය.

     

ලංකාවේ හැම එකෙක්ම දේශ පාලකයින්ට බනින්නේ හරියට එතුමන්ලා පාර්ලිමේන්තු ගියේ අහසින් වගේය. ලංකාවේ කවුරුවත්ම ජීවිතේට ඡන්දය නොදාපු අය වගේය. නමුත් පාර්ලිමේන්‍තුවේම දෙසිය විසිපහකි. තවද පළාත් සභා ද 9 කි. ඒවායේ මන්ත්‍රීවරු ගාන නම් යාන්ත්‍රිකයා නොදන්නේය.. නමුත් එකෙක් දෙන්නෙක් නම් නොවන්නේය.. ඒ මදිවට ප්‍රාදේශීය සභා ගානද සැලකිය යුතු ඉලක්කමකි.. මෙසේ ගත් කළ මන්ත්‍රීවරු පඳුරකට එකා ගානේ සිටිති.. නමුත් මේ එකෙක් වත් ලංකාවේ මිනිස්සුන්ගේ ඡන්දයෙන් ගිය අය නොවිය යුතුය.. මොකද ඒ තරමට ලංකාවේ මිනිස්සු දේශ පාලකයොන්ට බනින නිසාවෙන්ය..

යාන්ත්‍රිකයා කීපදෙනෙක්ගෙන්ම ප්‍රශ්නයක් ඇසුවේය.. ඒ දේශපාලනේට ඇති සුදුසුකම මොකක්ද කියාය.. ඒ හැමෝම දුන්නු උත්තරේ උණේ කිසිම සුදුසුකමක් උවමනා නැති බවය.. යාන්ත්‍රික සිතිවිල්ලට අනූව ලංකාවේ වැඩි දෙනෙකුගේ මතයද එයම විය හැක..

නමුත් යාන්ත්‍රික සිතිවිල්ල ඊට වඩා වෙනස් ය.. එනම් දේශ පාලනේට ඒ සඳහාම උපතින්ම පිහිටිය යුතු මනා හැකියාවක් තිබිය යුතුය.. ඒ හැකියාව යාන්ත්‍රිකයාට තිබුණානම් අඩුම තරමේ යාන්ත්‍රිකයා මේ වන විට ප්‍රාදේශීය සභාවට ඡන්දෙ ඉල්ලීමට අයදුම්පතක් වත් ලියා ඇත... නමුත් යාන්ත්‍රිකයා එසේ නොකළේ යාන්ත්‍රිකයාට ඒ හැකියාව නැති නිසාවෙන්ය.. මේ පෝස්ටුව කියවන ඔබටද ඒ හැකියාව නැති බව නම් ෂුවර්ම ෂුවර්ය.. තිබුණා නම් මේ වන විට ඔබද පාර්ලිමේන්තුවේය.. එබැවින් දේශපාලකයින් ට කිසිදු දැනුමක් නැතැයි ප්‍රකාශ කිරීම යාන්ත්‍රිකයා තරයේම හෙලා දකින්නේය..

තවද අපේ මිනිසුන් ඡන්දයක් ළං වනකන් දේශ පාලකයින්ට බනින්නෝය.. ඡන්දෙ ආවහම එතුමන්ලාට පෙළපාලි යන්නෝය.. දහ අට වෙනකන් බලා ඉන්නේ ඡන්ද පත්‍රිකාව ගෙදරට ලැබෙනකන්ය.. ඡන්දෙ දීලා ඡන්දෙ දුන්නු මිනිහාටම පලු යනකන් දෙහි කපන්නෝය.. ඊළඟ ඡන්දෙදී ආයිමත් පෙලපාලි යන්නෝය..

කැලණියේ ඇමතිතුමා හොඳම නිදර්ශනේය.. එතුමාව ලංකාව පුරා ඉන්න ශ්‍රී ලංකා කාරයින්ටමද පෙන්නන්නට බැරිය.. ඒත් එතුමා කැළණි පුරවැසියන්ට තමන්ගේ රජතුමාය.. ඒ හැකියාවය..

සජිත් මහත්තයට පාර්ලිමේන්තුවට එන්නට හැකි උනේ හැකියාව නිසාය.. පක්ෂ උප නායක උණේ හැකියාව නිසාය.. නමුත් පක්ෂ නායක කමවත් ඇමති කමක්වත් ගන්නට බැරි උණේ නොහැකියාව නිසාය..

වික්‍රමසිංහ මත්තයාටද එසේමය.. එතුමා දිගුකලක් බහුතර කැමැත්තෙන් හෝ අකමැත්තෙන් පක්ෂ නායක වුනේ ඒ හැකියාවෙන්ය.. කවදාවක වත් ජනාධිපති නොවන්නේද ඒ හැකියාවෙන්මය.. ජනාධිපති තුමාටද එසේමය.. කවුරු බැන්නත් රජ පුටුවේ වැඦබෙන්නේ හැකියාව නිසාය.. යාන්ත්‍රිකයා ගරු කරන්නේ මේ හැකියාවටය..

මොනවා කළත් දිනන එකා දිනනවාමය.. ඒනිසා කළ යුතු හොඳම දේ දිනන එකාට මුක්කුවක් ගසාගෙන තමන්ට යමක් කර ගැනීම බව යාන්ත්‍රික සිතිවිල්ලය..

යාන්ත්‍රිකයා දේශපාලනේට ආවානම්

     

      එහෙනම් යාන්ත්‍රිකයාට විපක්ෂව මත දරන එකෙක් වත් ඉතුරු නොවන්නේය.. ඒ කියන්නේ වැඩි දෙනා කූඩු වල ගත කරන්නට ඉඩ තිබේ.. එහෙනම් යාන්ත්‍රිකයා හිට්ලර්ට දෙක නොවන්නේය.. නමුත් කිසිම එකෙක් යාන්ත්‍රිකයා අතින් නම් මැරුම් නොකන්නේය.. ඊට හේතුව යාන්ත්‍රිකයාට කූඩැල්ලෙක් වත් මැරීමට නොහැකි වීමය...

එහෙනම් උපරිම සමාජවාදී ඇණ්ඩුවක් ලංකාවේ බිහිවන්නේය.. එක එකාට ගැති නැති ගඩාපිගේ ලිබියාව වැනි රටක් වන්නට ඉඩ තිබුණේය.. නමුත් ලංකාව එවැනි නායකයෙක් ලබන්නට වාසනාව නැත්තේය..:( තවද කිසිම දවසක යාන්ත්‍රිකයා දේශපාලනේ නම් කොහොමවත්ම නොකරන්නේය..

හදිසියේවත් යාන්ත්‍රිකයා ජනාධිපතිවරණේටවත් ඉල්ලුවොත් මේක කියවන ටිකදෙනාවත් යාන්ත්‍රිකයාට ඡන්දය නොදී සිටින්නේ නම් ඒක කාට කාටත් හොඳය..:D

 ----------------------------------------------------------------------------------------------

මේ පෝස්ටුව කොටද්දී යාන්ත්‍රිකයා පුළුවන් තරම් කාටවත් අපහාසයක් නොවන සේ කොටන්නට දැඟලුවේය.. එය වැරදී ඇත්නම් සමාවුව මැනවිය..:)

තවද බොහෝ දෙනෙක් කාර්ය බහුල නිසා යාන්ත්‍රිකයා වැඩිය කොටන්නට අකමැතිය.. ඒ අනිත් අයට යාන්ත්‍රිකයාගේ පල් හෑලි කියවනවාට වඩා වැඩ ඇති නිසාය.. එමනිසා මේ පෝස්ටුව දිග වැඩි වූවා නම් සමා උව මැනවිය..