ඩෙංගු මර බිය දුරු කළ අපේ දොස්තර නෝනා‍

         ඔය සුද්දා ලංකාව අතෑරල යනකොට නිකංම ගියේ නෑනේ. ඌ ගියේ කළු සුද්දො පැටවු ටිකකුත් හදල නෙව. අපේ තිබිච්චි හැම දේම උදුරගෙන උංගෙ ලට්ට ලොට්ට ටික දාලනේ ගියේ..
     
        අපේ මිනිස්සුත් රට බඩුනං ඕන දෙයක් කියල බාර ගන්න ජාතියක් නිසා උන් දුන්නු ඕන කුණු ගොඩක් බාර ගත්තෙ ඉහ මුදුනිං.... කිසිම අතුරු ආපදාවක් තැති කසාය කෝප්පෙ වත්තට විසි කොරල පැනඩෝල් පෙත්ත ඕන ලෙඩකට කටේ ඔබාගන්නේ එහෙමනේ... කාටද සහතික වෙන්ට පුළුහං ඕවා සීයට සීයක් කිසි අවුලක් නැති බෙහෙත් කියල.. කවදාවත් අහල තියෙනවද කසාය කෝප්පයක් බීල ආසාත්මිකතාවක් ඇතිවුණ කෙනෙක් ගැන???.. මාත්‍රාවට වැඩියෙං බීල පරලෝකප්‍රාප්ත උණ කෙනෙක් ගැන????... ඔය ඔක්කොම ලෙඩ සුද්දගෙ පෙති වල විතරයි..

         ඔන්න නිවුස් එකක් සුද්දගේ පෙත්තට තරු පෙන්නන ජාතියේ.. අපේ දේශීය වෙද නෝන කෙනෙක්. නම තරංගා කුමාරි වික්‍රමසූරිය.. ඩෙංගු වලට බෙහෙතක් හොයාගෙන.. සත්තයි අත්දුටුවයි ප්‍රත්‍යක්ෂයිලු... දරුවො ලැබෙන්න ඉන්න අම්මලට.. චූටි බබාලට හෙමත් දීල බැලුවලු.. කිසිම අතුරු ආන්තරාවක් නැතිලු... බෙහෙත ගැන අවුරුදු දෙකක් පරීක්ෂණ කළාලූ... අන්තිමට වැඩේ හරි ගිහිං..

  දේශීය වෛද්‍ය තරංගා කුමාරි වික්‍රමසූරිය

        අවුරුදු දෙකක් කැපවීමෙන් වැඩ ‍කළේ කවුරු වෙනුවෙන්ද?  තවමත් නොමිලේ තමං හොයාගත්ත බෙහෙත  ලබාදෙන දොස්තර නෝනා රටටම අභිමානයක් නෙවෙයිද?.. සත පහක් ඒකෙන් උපයන්නෙ නැතිව?..  සුද්දෙක් බෙහෙත හොයාගත්තනං ඌ ඉස්සරලම කරන්නෙ බෙහෙත් කොම්පැනියකට බෙහෙත විකුණන එක..

        

       වෙදකමින් අවුරුදු දාස් ගාණක් හා‍ස්කම් පෙන්නපු රටේ මේ වගේ අය පහළ වෙන එක පුදුමයක් නෙවෙයි..  මේක හොඳ අවස්තාවක් අපේ මිනිස්සුන්ගෙ ඇස් ඇරවන්ට.. සුද්දගෙ පෙත්තට වඩා අපේ කසාය ටිකේ වටිනාකම පෙන්නන්න... 

      

       ලොවක් වෙනුවෙන් අනුකම්පාවෙන් වසර දෙකක් කැපවී කටයුතු කළ ලංකා මාතාවගේ උත්තම දුවණිය තරංගා කුමාරි වික්‍රමසූරිය වෛද්‍යතුමියට අ‍පගේ උත්තමාචාරය........!!!!

ප/ලි-

මේ ප්‍රවෘත්තිය කියවන්න ‍මෙතනින්

මේක ලියුවෙ බටහිර වෙදකම හෙලා දකින්න නෙමෙයි... බටහිර රටවලට ඒ වෙදකම තමා එක.. හැබැයි අපිට අපේ වෙදකම එක වෙන්න ඕන..එහෙම නොවුණට..

ප/ලි-
දිනමිණ පත්තරේ තිබුණු මේ ලිපියත් අනිවාර්යෙන්ම කියවන්න..