මගේ මත හත

01).ලොක විනාසේ:-

මේ පින්තූරය ගත්තෙ මෙතනින්

උණත් නොවුණත් මට කියන්න තියෙන්නෙ මෙච්චරයි.. යාන්ත්‍රිකයගේ ආයුෂ අවුරුදු හැත්තෑ පහක්.. ඉතිං  ලෝකෙ වැනසුනත් නොවුණත් යාන්ත්‍රිකය ජීවත් වෙනව දෙදාස් හැට අටේ අප්‍රේල් දහනමය වෙනකන්.. ඒක නිසා ලෝක විනාසෙ මට ප්‍රශ්ණයක් නෙමෙයි..

02).ළඟක ඉඳන් එන පිටසක්වලයො:-
රෙඩාර් වලට අහුවුණේ නෑ කියල එහෙම ජාතියක් නෑ කියන්න බෑනේ..?? අනික ඒ දැක්ක එළි වලට කියන්නෙ අද්භූත වස්තු කියල.. එහෙවු එකේ රෙඩාර් වලට අහුවුණානං ඒවා අද්භූත වස්තු වෙනවැයි?? මං මේ කියන්නෙ පිටසක්වලයො ඉන්නව කියල නෙමෙයි.. ඉන්නත් ප්ුළුවන් නොඉන්නත් පුළුවන්..  ඉතින් පණ්ඩිතකම් පැත්තක තියල කෝකටත් හොයල බලන එක කාටකාටත් හොඳයි.. එහෙම කියන්නෙ මේ විද්‍යාඥයෝ ජීවයක් තියෙවද බලන්න අඟහරුගෙ වතුර හොයන්න ඩොලර් බිලියන කෝටි ගානක් වියදම් කරපු ජාතියක් නිසා..



03).දොශාභියෝගේ:-
මොනව වුණත් නෝන මහත්තය ගෙදර යන්න ලෑස්ති වුණානම් හොඳයි..

04).රතු වැස්ස:-
චන්ද්‍රා වික්‍රමසිංහ මහත්තය කියපු දේ ඉහ මුදුනින් පිළිගන්නව.. ඒක අහලවත් පොඩ්ඩක් මේ ගැන වැඩිපුර හොයල බැලුවනම් තව තව මේ විශ්වයේ අභිරහස් හොයාගන්න පුළුවන් වෙයි.. අපි නොහිතන දේවල් තමයි මේ විශ්වයේ වෙන්නේ.. ඉතින් ඇහැට පේන කණට ඇහෙන දේ විතරක් විශ්වාස කරනකන් යථාර්තය දකින්න වෙන්නෙ නෑ.. මේක බුදුධිය මත පදනම්ව නෙමෙයි මනසට මුල්තැන දීල පටන්ගත්තනම් ගොඩක් දේවල් දැනගන්න ලැබෙයි..

05).පක්ෂ දේශපාලනය:-
පක්ෂ දේශපාලනේ මට පෙන්නන්න බෑ.. ලංකාවට හරියන්නේ ඒ කාලෙ ඉඳන් තිබිච්ච රාජාණ්ඩු ක්‍රමය.. මොනව කරන්නද? සුද්දා රාජාණ්ඩුවක් කියන්නෙ මිනිස්සුන්ට තහනම් ක්‍රමයක් කළානේ.. ඒ වුණාට එංගලන්තෙ තාම රැජිනගෙ යටතේ..

06).නොබැඳි ප්‍රතිපත්තිය:-
මේක තියනකන් දියුණු වෙමින් පවතින රටවල් කවදාවත් දියුණු රටවල් ගොඩේට වැටෙන්නෑ.. ෂුවර්.. එක්කො අපි වාමාංශික වෙන්න ඕන.. නැත්තම් දක්ෂිණාංශික වෙන්න ඕන.. (අපි කියුවෙ මුළු ලංකාවම) අනික බහු පක්ෂ ක්‍රමය කිසිම රටකට ගැලපෙන්නෑ.. පක්ෂ දෙකක් හොඳටම ඇති.. අනික දිනන පක්ෂෙ සීයට අනූවට වැඩි ප්‍රතිශතයකින් දිනනවනම් මම ඒත් කැමතියි..

07). අධ්‍යාපන ක්‍රමය:-

පින්තූරය ගත්තෙ මෙතනින්

වහාම වෙනස් විය යුතුයි.. මං ඕ ලෙවල් කරපු ඉස්කෝලෙ  ගුරුවරු හිටියෙ දාසයයි.. අමතර විශයන් විදියට තිබුණෙ චිත්‍ර, නැටුම්, භූ ගෝල විද්‍යාව, කෘෂි කර්මය, ගෘහ විද්‍යාව විතරයි.. ඒ වුණාට ඕ ලෙවල් ඇඩ්මිෂන් කොලේ විෂයන් පණහක් විතර තිබුණ.. මේක අන්තිම අසාධාරණයි.. ඒ ලෙවල් කරපු ඉස්කෝලෙ එක විශයට ගුරුවරු හයක් හිටපු වෙලාවල් තිබුණ.. ලංකාවෙ ළමුන්ගෙන් එක කොටසකට එක විදියකටත් තව කොටසකට තව විදියටත් සලකල එකම විභාගයකට මුහුණ දෙන්න සිදුවීම අන්තිම කණගාටුදායකයි..